Time Wears Awa’

Oh but the hours rin fast awa, like the Kelvin tae the Clyde
Sin on its bonnie gowan banks I wooed thee for my bride      
My ain dear love, sae sweet an young, sae artless and sae fair
Then love was a' the grief we kent, and you my only care


Time wears awa, time wears awa, An' winna let us be
It stole the wild rose frae my cheek, An' the blythe blink frae your ee

When woods were green an flooers fair, and you were a' my ain
I little reckoned what years would bring o' poortith, toil an pain     
Some wayfu' hours hae flapped their wings, dark shadows ower oor lot
Sin like twa cushats o' a glen, we strayed in this dear spot    


The voices o' oor happy days steal on oor dreams by night
An cherished memories rise and glow wi' their departed light
But still the birds and burnies sing their wildered melodies
As in the gowden dawn o' life when we were young and free


Trad: Scottish, Arr. Na-Mara

A beautiful Scottish song from the 19th century looking back on a life of love and hardship.  We have taken this song from the singing of Willie Scott, Alison McMorland and, more recently, Siobhan Miller.